Koel Koel sit en Smul!

Kobus bly almal pas in!

Ons was geseënd met ‘n wonderlike somersdag vir die spesiale geleentheid.  ‘n Hele 220 mense later – het omtrent vir Kobus & Mandy hoofpyne verskaf met die dat ons almal wou gemaklik sit.

Halfdag later het hulle darem die tafels uitgesit gekry en ook nog die laat besprekings voor sitplek gekry.  Met diè harde werk agter die rug het ons begin met die dek.  Terwyl ons messe en glase goed rond dra, opvryf en uitpak het Kobus en oom Kiewiet vir onstpanning vir ons die naamkaartjies uitgeknip.

Dit was die eerste keer dat ons die ete bietjie uitgerek het sodat ‘n man bietjie kan sit en gesels met sy gesin.  Nie net lyf aasvoël hou – eet en loop nie.  Dan is ‘n mens ook so versadig dat jy glad nie eers by die poedingtafel kan kom nie.

11 uur het ons begin met Kaas & beskuitjies – so om die mondkliere bietjie te prikkel vir wat gaan voorlê.  ‘n Uur later het die Voorgereg eers op die tafels verskyn en ook dan so ‘n uur later weer die Hoofgereg.  Met die lugreëlaars wat die plek heerlik koel hou het almal rustig opgeskep en gesmul.

Ongelukkig het almal so lekker gesmul aan die voorgeregte en hoofgeregte dat niemand ‘n enkele foto geneem het nie.  Slegs die poeding tafel is afgeneem – ek’s amper seker dat daar ‘n goeie rede voor was – seker skelmpies nog ‘n happie poeding gaan steel.

“Tredoe” soos die mannetjie vir my een aand laat in Swarries verduidelik het.